L-Uffiċċju tal-Passaporti jifforma parti mid-Direttorat tal-Passaporti u Reġistrazzjoni Ċivili. L-għan tagħna hu li nipprovdu servizz tal-passaporti mill-aqwa lill-klijenti tagħna.
Dan is-sit prinċiparjament jispeċifika l-livell ta' servizz illi inti tista’ tistenna minn għandna. Jispjega wkoll kif u mnejn wieħed jista’ jikseb aktar informazzjoni dwar is-servizzi tagħna u kif wieħed jista’ jressaq ilment jekk iħoss illi nkunu nqasna milli nilħqu l-livelli ta' kwalità tagħna.
L-Uffiċċju tal-Passaporti jinsab f'Evans Building, Triq il-Merkanti, Valletta VLT2000, Malta
Minbarra minn din il-websajt, il-formoli tal-applikazzjoni u informazzjoni oħra jistgħu jinkisbu minn:
Applikanti eliġibbli u li huma residenti barra minn Malta, jistgħu jiksbu l-Applikazzjoni tal-Passaport Formola A mill-Ambaxxati Maltin, Kummissjonijiet Għolja jew Uffiċċji Konsulari jew permezz tal-Internet.